白云猪手嘅流传
http://www.qihaoming.com.cn 发表时间:2010年03月30日 来源:中华隆取名网
喺上世纪60年代,广州沙河大饭店有一个大厨师,对粤菜嘅烹调厨艺都几有心思,平日休息时间就钟意去收集啲民间菜式。
嗰日,大厨嚟到白云山脚濂泉边一个斩柴人嘅屋企。斩柴人攞出一碟酸甜猪手招呼大厨。猪手白白净净,好似冇用酱料烹调过噉,卖相就麻麻哋。试食之后,大厨却大赞好嘢:酸中带甜、肥而不腻、皮爽肉滑,另有一番风味!大厨虚心请教斩柴人,侇个猪手嘅做法同出自边度?
原嚟,白云山能仁寺有一个当厨僧嘅小和尚六根未净,买菜时多买咗只猪手带返来膳房,偷偷噉煮嚟食。点知猪手仲未煮熟,就听到师傅喺膳房外嘅声音,吓得慌忙将瓦礃成煲掉咗落膳房后门嘅山溪嗰度。
下昼嘅时候,斩柴人担住山柴落山,经过山溪谂起早上喺山上睇到小和尚掉咗啲嘢喺山溪,就好奇噉去睇下,见到山泉水里面有一只半生不熟嘅猪手,就将佢带咗返屋企。斩柴人要赶住去卖柴,又怕天口热猪手变味,就将猪手放咗落腌酸甜萝白嘅白醋里面,卖完柴返嚟捞起只猪手重新煮熟嚟食,觉得都几好食。以后,斩柴人就用呢个做法,时不时买只猪手来犒劳自己喽。
哦,原嚟酸甜猪手嘅做法关键係浸泡山泉水!大厨得到经验,将浸山泉嘅时间同烹调做法做咗一啲改进,就将呢味菜喺饭店推出餐台,取名“白云猪手”。从此就流传开嚟,成咗名菜添!
上一页:纯正贵族血统 徕卡镜头命名
下一页:珍珠奶茶没珍珠没牛奶也没茶